Në një intervistë të dhënë për të përjavshmen gjermane “Die Zeit”, Papa Françesku ka rrëfyer diçka lidhur me të kaluarën e tij. Ai ka pranuar se ka mëkatuar, duke zbuluar se në rininë e tij ka pasur të fejuar.
Ai është shprehur se “ndihet si një njeri i rëndomtë, që bën atë që mundet”. Ai nuk është ndalur në detaje, por ka përmendur “të fejuarën” nga rinia, por ka shtuar se nuk ishte i gatshëm për martesë.
“Nuk duhet të harrojmë se idealizimi i njeriut është gjithashtu formë e fshehur e agresionit. Kur më idealizojnë, ndihem i sulmuar”, është shprehur kreu suprem i Kishës Katolike Romake duke theksuar se është “mëkatar dhe se nuk është i pagabueshëm”.
Një tjetër e fshehtë që ai ka zbuluar, është se i ka ndodhur që të dyshonte në fe: “Ka momente të vështira kur them: “Zot, këtë nuk e kuptoj!”. E ato nuk janë vetëm momente të mundimeve të ngushtësisë së brendshme, por edhe situata të vështira në të cilat kam hyrë me fajin tim”.
Megjithatë, me aq sa ai zbulon, kritikat nuk e shqetësojnë shumë, pasi çdokush ka mendimin e tij: “E kam të qartë se disave nuk i pëlqen qasja ime, megjithatë kjo është shumë në rregull. Gjithkush ka të drejtë në mendimin e tij. Kjo është legjitime, njerëzore dhe pasuron atë.”
(XH.A/SHUPLAKA)
Discussion about this post