Kreu i Lëvizjes Vetëvendosje Albin Kurti ka folur pasditen e sotme në samitin Ndërkombëtar të Paqes që po zhvillohet në Tiranë ku gjatë fjalimit të tiuj ka dhënë edhe disa mesazhe për politikën e Ballkanit dhe krerët e shteteve të këtij rajoni, duke thënë se nuk mund të ketë një rajon normal pa qenë vendet që e përbëjnë atë, normale.
Kurti theksoi gjatë fjalës së tij, detyrimin që kanë krerët e shteteve e ligjvënësit karshi qytetarëve që i kanë zgjedhur, duke i quajtur shërëtor dhe kryeshërbëtor të popullit, ndërsa ka shtuar se që të arrihet në një situatë normale, duhet të shikohen të përbashkëtat dhe jo dallimet.
“Deputetët duhet të zëvendësojnë qytetarët për ti shërbyer atyre. Ministër përkthehet shërbyes pra ministri është shërbëtor ndërkaq kreyministri është kryeshërbëtor. Ky ka qënë gjithmonë synimi ynë që në kuvend të përfaqësojmë qutetarët e tu shërbejmë atyre. Për të realizuar paqe në një shoqëri e sidomos midis shteteve është të shohim të përbashkëtat e jo dallimet. Ne kemi veshur këmisha këtu në sallë çështja është të shikojmë a janë këmisha apo ngjyra te ndryshme
Edhe deputet edhe ministrat e kryeministri duhet të kenë një pikënisje të përbashkët. E përbashkëta është parlamenti, hapësira të cilën e ndajnë bashkë deputetët me ministrant. Në Kosovë si ne çdo vend tjetër, Kuvendi është vendi ku duhet promovuar paqja. Pa mohuar diferencat të theksojmë të përbashkëtat. Kur jemi te etimologjia fjalëve le të trajtojmë shkurtimisht fjalën parlament që vjen nga ‘parlare’/ të folurit
Kjo është një gjë e përbashkët që e kanë të gjithë. Njerëzit flasin për të komunikuar për të degjuar, për të kuptuar si përfaqësues të cilëve janë. Parlamenti vendi ku flitet është pikërisht emri i të përbashketës tjetër mes deputetëve dhe ministrave. Deputetët si përfaqësues ministrat si shërbetorë e kryeministri si i pari shërbëtor. Të mos pajtohesh nënkupton mundësinë e pajtimit , duhet dialoguar e diskutuar
Më lejoni të bëj një dallim mes debatit dhe polemikës. Debati dhe polemika dallojnë për sa vjen: tek debati bashkëbiseduesit udhëtojnë drejt të vërtetës duke provuar të argumentojnë dhe të arsyetojnë, nga ana tjetër polemika ndërmjet dy vetave është e tillë që secili bashkëbisedues dëshiron ta mundë tjetrin
Paqja është punë e vështirë që do të thotë është punë, paqja nuk është ngjarje, lufta është ngjarje. Edhe në rajonin tonë të Ballkanit kemi nevojë për një paqe të qëndrueshme. Paqja midis vendeve tona vjen nga paqja brenda vendeve tona dhe kjo na bën vende normale, pa qenë vende normale nuk mund të kemi paqe. Duhet ta kemi Serbinë një vend normal, Kosovën, Shqiperinë, Bosnjën e Hercegovinë dhe Maqedoninë vende normale që të arrijmë paqen normale dhe të bëhemi rajon normal. Kjo paqe nuk bëhet pa pasur në mendje drejtësinë. Drejtësia nënkupton drejtësinë për krimet e luftës e të paqes”, tha Kurti.
https://www.facebook.com/faxweb.al/videos/2519901564962528/
(F.GJ/FAXWEB.AL)
Discussion about this post