Ish-presidenti i Gambias, Yahya Jammeh, i cili pas refuzimit të vazhdueshëm, vendosi të pranojë disfatën e t’i lirojë vendin pasardhësit të tij, nuk ka ikur duarbosh nga vendi.
Mësohet se gjatë javës së fundit në krye të pushtetit, plaçkiti Arkën e Shtetit, duke vjedhur kështu 11.4 milionë dollarë nga Arka e Shtetit.
Këshilltari special për presidentin e ri Adama Barroë, u shpreh gjatë një conference për shtyp se ish-presidenti do të duhet të kthehet sërish në në shtëpi, sa më shpejt të jetë e mundur.
“Gambia ndodhet në vështirësi financiare. Arka e Shtetit është pothuajse bosh. Kjo është gjendja aktuale. Dhe ky lajm është konfirmuar edhe nga Ministria e Financave dhe Banka Qendrore në Gambia.”, bëri me dije këshilltari i Presidentit.
Yahya Jammeh qëndroi 22 vite në pushtet, por pas zgjedhjeve të fundit presidenciale, ai u detyrua të largohej, pas edhe presionit të ushtrive afrikane. (XH.A/SHUPLAKA)
