Kryeministri ende në detyrë i Kosovës Isa Mustafa, ditën e sotme ka kujtuar 7 shtatorin e vitit 1990 ku delegatët e atëhershëm kishin shpallur Kushtetutën e Kosovës, e cila njihet si Kushtetua e Kaçanikut.
27 vjetë më vonëMustafa shprehet se institucionet e Republikës së Kosovës po konstituohen si rrjedhojë e kalkulimeve dhe një grupacioni politik vetëm pas koncesioneve.
“Më 7 Shtator 1990, delegatët e Kuvendit të atëhershëm, shpallën Kushtetutën Kosovës e njohur si Kushtetuta e Kaçanikut, duke vendosur themelet e shtetësisë dhe duke dëshmuar vendosmërinë e popullit të Kosovës për liri, pavarësi e demokraci.
Krenaria për atë epokë historike nuk na zbehet, përkundër faktit se fiks pas 27 vjetësh, si pasojë e kalkulimeve meskine të një grupacioni politik, Kuvendi i Kosovës dhe Qeveria konstituohen vetëm pas koncesioneve dhe ashtu siç e dikton Lista Serbe, me bekimin e Beogradit”. ”, shprehet Mustafa.
Ndër të tjera, Mustafa shpreh respektin e tij për të gjithë deputetët që rrezikuan edhe jetën e tyre për të mundësuar aprovimin e Kushtetutës së Kaçanikut.
Kujtojmë se Mustafa do të largohet nga posti i kryeministrit, vend të cilin do ta zërë Ramush Haradinaj. Presidenti Hashim Thaçi sot pranoi mandatin e Haradinajt si kryeministër. (D.D/Shuplaka)
Discussion about this post