Kryetari i KQZ, Ilirjan Celibashi ka zhvilluar një takim ditën e sotme me zv/ ministren e Shëndetësisë Eugena Tomini, ku në fokus të takimit ka qenë procesi i votimit për personat që janë të infektuar me Covid-19.
Lajmin e ka dhënë vetë Celibashi, i cili shprehet se duhet të ndiqen dhe të zbatohen të gjithë protokollet, për parandalimin e përhapjes së virusit.
“Sot takova Zëvëndësministren e Shëndetësisë dhe Anëtaren e Komitetit Teknik të Ekspertëve për pandeminë Covid-19, zj. Eugena Tomini. Qëllimi i takimit ishte diskutimi i situatës aktuale të pandemisë në vendin tonë dhe shqetësimin e ngritur lidhur me votimin e të infektuave me Covid në datën 25 prill 2021. Në fokus të bashkëbisedimit ishin implikimet që sjell situata e pandemisë në procesin zgjedhor dhe rëndësia e zbatimit të protokolleve që duhet të ndiqen dhe zbatohen për parandalimin e përhapjes së virusit gjatë procesit të votimit dhe numërimit të votave” thotë Celibashi.
Disa ditë më parë, Celibashi u shpreh se të infektuarit me COVID nuk do të votojnë në zgjedhjet e 25 prillit.
(E.H/Faxweb.al)