Ditën e djeshme duke marrë shkas nga një shkrim i ‘’DW”, ku thuhej se azilkërkuesit shqiptarë që do të pranonin të ktheheshin nga Gjermania do të shpërbleheshin financiarisht, lajmi mori përhapje të madhe.
Por Ambasada Gjermane në Tiranë thotë se azilkërkuesit me shtetësi shqiptare në Gjermani, të cilëve u është refuzuar kërkesa për azil, duke nisur nga data 1 dhjetor 2017 nuk mund të marrin në konsideratë asnjë mbështetje të mëtejshme financiare apo asistencën financiare për kthim.
Sqarimi zyrtar është bërë nga ana e ambasadës së Gjermanisë në Tiranë:
Sipas njoftimit, Gjermania e ka kategorizuar Shqipërinë si vend të sigurt të origjinës: kërkesat për azil nga shtetasit/et shqiptarë/e – sikurse edhe nga vende të tjera të Ballkanit Perëndimor – përpunohen me procedura të përshpejtuara dhe refuzohen praktikisht në çdo rast.
Azilkërkuesit e refuzuar duhet të kthehen në Shqipëri dhe mund të dënohen me ndalim hyrjeje në të gjithë hapësirën e vendeve Schengen për një periudhë, që mund të zgjasë deri në pesë vjet, nëse ata nuk pranojnë të largohen me dëshirën e tyre por kthehen forcërisht në Shqipëri.
Discussion about this post