Paraardhësi i tij u DENONCUA për korrupsion, KUSH do të jetë Drejtori i Ri i Spitalit në Berat.
Drejtori i Spitalit të Beratit do të jetë Arqile Vasili. Ai është emëruar të zëvendësojë në këtë post pak minuta më parë nga ana e Ministrit të Shëndetësisë Arben Beqiri. Në një takim me dyer të mbyllura që është zhvilluar në këtë spital është marrë dhe vendimi për emërimin e drejtorit të ri.
Vasili është një mjek obsteter-gjinekolog në këtë qytet. Kujtojmë se jo më larg se dje nga posti i Drejtorit të Spitalit në Berat është shkarkuar Idil Frashëri.
Kujtojmë se Frashëri është pezulluar nën akuzën e korrupsionit aktiv. Pak minuta më parë për hetimin e tij ka reaguar në një deklaratë dhe zëvendëskryeministrja Ledina Mandija.
Deklaratë e Zv/Krye ministres Mandija referuar njoftimit nga ana e Policisë së Shtetit:
Sektori për Hetimin e Korrupsionit në Policinë e Shtetit në bazë të një denoncimi ka filluar procedimin penal ndaj Drejtorit të Spitalit Rajonal të Beratit, i cili në bashkëpunim me disa punonjës të këtij spitali dhe më një deputet të zonës kanë arritur të konsumojnë veprën penale të korrupsionit aktiv në zgjedhje, si dhe përdorimit të funksioneve publike në veprimtari politike ose zgjedhore të parashikuara nga neni 328 dhe 328/a të Kodit Penal të ndryshuar.
Në këtë kushte, unë i bëj thirrje Prokurorisë së Përgjithshme të marrë të gjitha masat për të ndjekur procedurat sipas ligjit dhe për të arritur në një konkluzion përfundimtar në lidhje me procedurat e filluara dhe të iniciuara nga ana e Sektorit të Hetimit dhe Korrupsionit. (E.K/SHUPLAKA)
