Festa Kombëtare e Greqisë, ka shërbyer që shteti Helen ti tregojë muskujt jo vetëm Turqisë me të cilën ka pasur kontradita së fundi, po të gjithë botës.
Dje në rrugët kryesore të Athinës vendin e kishin zëënë tanket dhe artileria e rëndë, ndërkohë që në ajër avione ushtarake.
Nderkohe, presidenti grek deklaroi se “Greqia është një popull i paqes, miqësisë dhe demokracisë, ideale që bazohen në respektimin e plotë të drejtësisë europiane dhe ndërkombëtare nga të gjitha palët. Jemi dhe popull që historikisht mbrojmë, pa ulje, lirinë, kufijtë, territorin dhe sovranitetin e Greqisë dhe të familjes sonë europiane”.
Me heret, ministri i Mbrojtjes, Panos Kamenos, i cili javë më parë u ndalua nga forcat turke që të hyjë në një ishull të diskutueshëm mes dy vendeve, i cili ka folur me një gjuhë të ashpër.
“Ne do të shtypim këdo që guxon të cenojë sovranitetin tonë kombëtar”, tha Kamenos, duke iu referuar Turqisë fqinje me të cilën janë acaruar raportet. E, si reagim ndaj asaj që deklaroi Erdogan pak ditë më parëm kur u kujtoi grekërve betejën e Sakarya-s, hedhjen në det prej forcave turke, Kamenos tha: “Kushdo që ka në mendje Perandorinë Osmane duhet të kujtojë vitin 1821, shkruan “Te sheshi”. Ne u përballëm dhe e e shtypëm atë”, tha Kamenos, ku, duke iu referuar realitetit tha se “forcat tona të armatosura janë të gatshme të përballen me çdo sfidë ndaj integritetit territorial”.
Ndërkaq, Ekathimerini që raporton deklarimet e Kamenos-it, citon Presidentin Erdogan që të ketë thënë se “patjetër do ta ndërtojmë Turqinë e madhe” dhe se “ne nuk do të harrojmë plagët në zemrat tona të shkaktuara nga kufijtë artificialë që ata kanë diktuar”. “Pas Afrin vjen ringjallja”, citohet të jetë shprehur kreu i shtetit turk, gjë e cila është marrë nga Athina si një mesazh kërcënues kundër saj.
(E.K/FAXWEB)
Discussion about this post