Vijon edhe sot, tashmë prej 42 ditësh protesta e banorëve tek zona e Astirit, ku qytetarët janë të vendosur për të mbrojtur pronën e tyre. Veç dëmshpërblimit të pronës, tashmë banorët kërkojnë dhe anulim të projektit, pasi sipas tyre është korruptiv.
I pranishëm të protestë kreu i Partisë Demokratike Lulzim Basha ka kërkuar që të gjithë qytetarët të bashkohen me protestën e studentëve, të cilën e quajti madhështore.
Basha shtoi se tek projekti i Unazës së Re ka edhe një aferë të re korruptive, të cilën PD po e shqyrton dhe në ditën në vijim tha se do të bëhet publike.
“Sot e gjithë Shqipëria është ngritur në protestë. Protesta nga më madhështorja që është ajo e studentëve, por dhe protestat e tjera. Kjo tregon gjendjen alarmante që po kalon Shqipëria. U bëj thirrje të gjithë qytetarëve shqiptarë, të dalin masivisht në protestën e studentëve. Rama po luan me nervat dhe shëndetin e tyre në këto ditë të ftohta. Unë u drejtoj një ftesë të gjithë qyteteve, që të bashkohen me studentët. Vetë partia Demokratike ka tre vite që kërkon shfuqizimin e Ligjit të Arsimit ë lartë.
PD ka ndihmuar banorët në këtë padi me ekspertët e saj. Planin ia kanë prishur studentët, ndaj është sulur për ti mbrojtur, por s’ka për t’ia dalë dot. Të gjitha tenderat fitohen në garë të dyshimta.
Tek Unaza e Re ka edhe një aferë tjetër, dhe ne po merremi me shqyrtimin e dokumenteve, ne do t’i bëjmë publike në ditët në vijim. Ne jemi në radhë të parë në mbështetje të banorëve dhe studentëve, jam i bindur se Edi Rama do të largohet një orë dhe më parë”,-u shpreh ndër të tjera Basha.
Discussion about this post