Ish-kryeministri i Suedisë, njëherësh pjesë e Këshillit të Evropës për Marrëdhënie me Jashtë (ECFR), Karl Bildt, ka thënë se është e nevojshme të tejkalohen urgjentisht krizat aktuale dhe të forcohet dialogu në mes Prishtinës dhe Beogradit.
“Urgjentisht të kalohet kriza e tanishme dhe të forcohet dialogu Kosovë-Serbi. Bashkimit Evropian dhe të tjerët duhet të shtojnë përpjekjet e tyre për të lëvizur rajonin përpara. Nuk duhet pasur rrezik për të rrëshqitur përsëri në zakonet e vjetra”, ka shkruar ai. Duhet shtuar se pas zhvillimeve të fundit që ishin të hënën në veri të Kosovës, pothuajse gjithë përfaqësuesit e huaj porositën dy vendet që të ulen dhe të dialogojnë për secilin zhvillim në Kosovë dhe Serbi.
Kujtojmë që arrestimi i drejtorit të zyrës për Kosovën Marko Gjuriç i acaroi marrëdhëniet mes dy vendve ku Lista Serbe doli nga qeveria dhe paralajmëroi krijimin e asociacionit në mënyrë të njëanshme. (B.H/Faxweb)
Discussion about this post