Pas fjalës së tij sot në çadër, kryetari i Partisë Demokratike ka mbledhur sot në selinë e PD-së krerët demokratë në rrethe.
Mbledhja nuk ka zgjatur më shumë se një orë dhe në qendër të saj ka qenë diskutimi dhe planifikimi në detaje i mosbindjes civile që do të nisë me protestën në Kavajë.
Burime nga PD bëjnë të ditur se është përcaktuar që protesta në qytetin e Kavajës, kryeqytetin e demokracisë shqiptare siç e cilësoi Basha, do të nisë në orën 11:00 të 7 majit.
Kryetari i opozitës paralajmëroi sot nga çadra për intesifikim të protestës së opozitës që nis më 7 maj dhe do të vazhdojë në rrethe, në fshatra e qytete për të kulmuar më 18 qershor, datën e përcaktuar për zhvillimin e zgjedhjeve parlamentare.
(XH.A/SHUPLAKA)
