Pak javë më parë Presidenti Ilir Meta paralajmëroi një tërmet me pasojë 30 herë më të fortë se ai që ndodhi në Athinë, duke e cilësuar si ‘apokaliptik’.
Lidhur me këtë deklaratë, kreu i shtetit i referohej një informacioni nga sizmologu grek Akis Tselentis.
Për këtë Meta i dërgoi atëherë një letër kryeministrit Edi Rama, zv/kryeministrit Erion Braçe dhe ministres së mbrojtjes Olta Xhaçka, ku i ka informuar lidhur me alarmin e ngritur.
Mirëpo, këtë letër zyrtarë të qeverisë e publikuan në media, duke ironizuar Presidentin.
Ndërkohë, në intervistën e dhënë së fundmi për Top Channel sizmiologu grek ka rrëfyer se përse u detyrua të përgënjeshtrojë lajmin për tërmetin. Ai ka theksuar se një gjë të tillë e bëri pasi po shkaktohej panik.
Pjesë nga intervista:
TCH -Emri juaj u implikua edhe tek deklaratat e presidentit shqiptar para disa javësh…
Akis Tselentis – Dhe u përpoqa sepse pata frikë, u përpoqa atëherë t’i ndryshoj pak të thënat, pasi këto gjëra nuk thuhen, e dini shumë mirë që nuk thuhet në publik …Vlerësimet për tërmetet që mund të ndodhin nuk bëhen publike sepse mund të shkaktosh panik dhe të shkaktosh një dem akoma më të madh.
TCH -Ju e keni përgënjeshtruar këte gjë apo jo?
Akis Tselentis – Po, e përgënjeshtrova për arsye që kuptohen. Sepse nuk dua që të thuhen tek populli i thjeshtë keto gjera. Këto bëhen të ditura vetëm tek shërbimet shtetërore.
