Kryetari i Bashkisë së Tiranës, Erion Veliaj, ka paralajmëruar qytetarët lidhur me programin më të ri të bashkisë, atë të administrimit të pallateve.
Duke u shprehur se problemet e administrimit do të marrin zgjidhje shumë shpejt, për shkak se bëhet fjalë për një proces të domosdoshëm, kryebashkiaku sqaroi se administratorët do të kenë kompetenca jo vetëm të koordinojnë marrëdhëniet mes banorëve për mirëmbajtjen e pallatit, por edhe të marrin masa penalizuese ndaj atyre që nuk duan të zbatojnë regullat e përbashkëta të jetesës në komunitet.
“Unë them se fuqizimi i administratorit me pushtetin që të vërë gjobë, pra të ketë një titull ekzekutiv me të cilin nëse s’paguhet, fillon kamatë vonesa e nëse nuk paguhet shkojmë në gjykatë e në përmbarim, i bllokojmë llogarinë bankare, është ndoshta diçka radikale, por e nevojshme, për atë përqindje të vogël të ‘drurëve të shtrembër’ që secili prej nesh i ka në lagjen e tij”, theksoi ai.
(XH.A/SHUPLAKA)
Discussion about this post