‘Paralizohet’ procesi në Vlorë/ Asnjë votë e numëruar, komisionerët ‘ngujohen’ pranë kutive

Në qytetin e Vlorës qëndron ende i bllokuar procesi i numërimit të votave ndërkohë që asnjë prej KZAZ-ve të qytetit nuk e ka nisur numërimin.

Njoftohet se ditën e nesërme në orën 08:00 të mëngjesit do të fillojë ky proces, por ajo çfarë është shqetësuese ka të bëjë me faktin se komisionerët vijojnë të qëndrojnë të mbyllur në vendin ku ruhen kutitë e votimit prej më shumë se 4 orësh.

Burime për Faxweb.al bëjnë të ditur se ata nuk lejojnë të futen brenda vëzhguesit si dhe anëtarët e shoqërisë civile dhe për këtë nuk kanë dhënë asnjë argument. Këta të fundit prej orësh të tëra ka që presin prapa qendrave ku do të numërohen votat.

(F.GJ/FAXWEB.AL)