Pas një plani veprimi të ministrit të Brendshëm, Saimir Tahiri, ka nisur puna për evidentimin, shkatërrimin dhe sekuestrimin e farave kanabis.
Mësohet se në këtë operacion janë angazhuar mijëra punonjës policie në të gjithë vendin. Ndërsa në grupin e monitorimit janë angazhuar drejtues të Policisë së Shtetit dhe SHÇBA-së, ndërsa në grupet e kontrollit specialistët e policisë së zonës, patrulla të përgjithshme si dhe kryetarët e fshatrave.
Operacioni i policisë ka nisur që mëngjesin e ditës së djeshme. Bëhet e ditur se janë ushtruar kontrolle dhe do vazhdojnë të ushtrohen në sera, ish-depo ushtrie, tunele dhe banesa të braktisura.
Policia ka bërë me dije se kontrollet do të vijojnë në ambiente të hapura, në ambiente banesash mbi bazë informacionesh që po grumbullon policia. (XH.A/SHUPLAKA)
Discussion about this post