Parandalohet krimi në Durrës, arrestohet 24-vjeçari që kanosi me armë një shtetas (EMRI)

Klaudjo Hasa 24 vjeç, banues në Durrës, është vënë në prangat e Policisë së Durrësit, pasi kanosi me armë 23-vjeçarin me iniciale D. SH. edhe ky banues në Durrës.

Pas marrjes së njoftimit, policia ka shkuar menjëherë në vendngjarje dhe ka arrestuar në flagrancë të riun. Është bërë edhe sekuestrimi në cilësinë e provës materiale i një arme zjarri tip pistoletë dhe i një krëhëri me 6 fishekë.

Detaje të Policisë së Durrësit:

Kanos një shtetas me armë zjarri. Arrestohet në flagrancë autori. Sekuestrohet një armë zjarri dhe fishekë.

Specialistët për Krimet në Komisariatin e Policisë Durrës arrestuan në flagrancë shtetasin:

• Klaudjo Hasa 24 vjeç, banues në Durrës.

Arrestimi I tij u bë pasi:

Më datë 03.02.2017, ora 19:00, në lagjen Nr. 3, pas një konflikti për motive të dobëta, ka kanosur me armë zjarri pistoletë shtetasin D. Sh. 23 vjeç, banues në  Durrës.

Me të marrë njoftim, menjëherë në vendngjarje kanë shkuar Efektivet e Policisë, të cilët kanë bërë të mundur kapjen dhe arrestimin e autorit dhe sekuestrimin në cilësinë e provave materiale:

• armën e zjarrit tip pistoletë BRËNING;
• një krëhër me 6 copë fishekë.

Materialet i kaluan Prokurorisë Rrethit Gjyqësor Durrës për veprime të mëtejshme për veprat penale”Kanosja” dhe
“Prodhimi dhe mbajtja pa leje e armëve luftarake dhe e municionit ” parashikuar në nenet  84 dhe 278/2  të Kodit Penal.