Drejtori i revistës “Shije” Altin Bamllari, komenton transmetimin e drejtpërdrejtë të kryeministrit Edi Rama, nga “televizioni” i tij në Facebook, të cilin e ka pagëzuar me emrin “ER TV”.
Bamllari e cilëson këtë si një zhvillim tepër të rëndësishëm dhe shton se sëshpejti mund të happen edhe televizione të reja si LaliTV, LuliTV apo dhe PeleshiTV.
“Sapo pashë live në ERTV që shumë shpejt fillojnë nga transmetimi disa qindra televizione të reja si LaliTV, LuliTV e me radhë, deri te PeleshiTV. Një zhvillim tepër i rëndësishëm që do t’i mundësojë çdo shqiptari të ketë televizionin e vet personal.
Tashmë mund ta hani lajmin të gjallë, të freskët dhe sipas midesë, pa patur nevojë të ndyni turinjtë në kazanin e përbashkët të katundit.
Ju bëftë mirë!”, shkruan Bamllari.
Kryeministri Rama transmetoi sot drejtpërdrejt nga “Facebook-u” përmes “ER TV-së” vizitën e tij në Apolloni të Fierit.
Nga Apollonia, Rama u shpreh se debati për qeverinë teknike nuk ka lidhje me zgjedhjet, por me ata që nuk i duan zgjedhjet e nuk duan që të tjerët të zgjidhen.
“Debati për qeveri teknike është një debat që nuk ka lidhje me zgjedhjet, pse zgjedhjet do organizohen dhe pse duhet votuar në zgjedhje. Ka lidhje me ata nuk duan të lenë të tjetër të zgjedhin se nuk duan të zgjidhen të tjerë. Votimi ka lidhje me Shqipërinë që duam.”, tha Rama. (D.D/Shuplaka)
