Pandemia e koronavirusit ka izoluar njerëzit në mbarë botën dhe ende po punohet për krijimin e një ilaçi apo vaksine.
Teksa prodhuesit shpresojnë që të kenë sasi vaksinash deri në gusht të vitit 2021, afati mund të shtyhet deri në maj të vitit 2036, thotë parashikimi i bërë nga Stuart A. Thompson, i publikuar në New York Times.
Ky parashikim vjen pasi eksperti i sëmundjeve infektive në Amerikë, Anthony Fauci tha se vaksina nuk do të jetë gati për të paktën 12 – 18 muaj.
Shumë kompani po punojnë që të sjellin sa më shpejt një kurë, mes të cilave janë “Inovio”, “Johnson&Johnson”, “Modena”, “Sanofi + GSK”, Universiteti i Oksfordit dhe Instituti i Wuhanit.
Sipas Bioworld, janë të paktën 254 ilaçe dhe 95 vaksina duke u zhvilluar. Ndërsa kjo mund të sigurojë pak shpresë, 90 përqind e trajtimeve që i nënshtrohen provave klinike nuk janë aprovuar nga Administrata e Ushqimit dhe Barnave e ShBA (FDA).
(A.M/Faxweb.al)
