Moti i keq ka goditur gjithe vendin gjatë ditëve të fundit. Si pasojë e erërave të forta ka pasur incidente në disa qytete në vend. Në Vlorë si pasojë e erës së fortë ka rënë një vetratë xhami e cila ka dëmtuar jashtë rrezikut për jetën shtetasin R.K., 67 vjeç, i cili ndodhet në Spitalin Rajonal Vlorë duke marrë ndihmë mjekësore.
Ndërkohë që më herët një palmë është rrëzuar në bulevardin Vlorë-Skelë, në qytetin e Vlorës, duke rënë mbi një makinë, por fatmirësisht nuk ka të lënduar, vetëm dëme materiale.
Policia gjen rastin t’u bëj thirrje të gjithë banorëve që të jenë shumë të kujdesshëm gjatë lëvizjes së tyre në këmbë, biçikletë apo automjete, si dhe të evitojnë lëvizjet e tyre të panevojshme deri në qetësimin e situatës meteorologjike.
Gjithashtu luten që për çdo nevojë apo problem që do të kenë të telefonojnë menjëherë në numrat pa pagesë 112 dhe 129.
(M.Q/Faxweb)
