Një operacion është duke u zhvilluar prej orëve të para të mëngjesit për ekzekutimin e 15 urdhër arresteve të lëshuara nga Anti-Mafia në Itali. Operacioni, me epiqendër në Bari, është duke u zhvilluar ndaj një organizate kriminale e dedikuar për trafikun ndërkombëtar të drogës. Bëhet fjalë për një sistem të mire strukturuar të importit dhe shpërndarjes së lëndëve narkotike ndërmjet Shqipërisë dhe Italisë.
Të dyshuarit menaxhonin transportin e sasive të mëdha të kokainës dhe marijuanës përmes rrugëve detare, duke përdorur mjete te sofistikuara për t’iu shmangur kontrolleve. Më pas droga shpërndahej në rajone të ndryshme italiane. Gjatë operacionit u zbulua edhe një rrjet pastrimi parash, i cili përdorte si mbulesë veprimtari tregtare.
Për këtë operacion mësohet se kanë bashkëpunuar edhe autoritetet shqiptare ndërkohë që detaje pritet të bëhen publike në orët në vijim.
Discussion about this post