Parisi vijon të jetë i targetuar nga terroristët. Mbrëmjen e sotme, një polic është vrarë dhe një tjetër ka mbetur i plagosur rëndë pas një atentati me armë zjarri.
Mediat franceze shkruajnë se personi që ka hapur zjarr gjithashtu është vrarë. Policia dyshon se bëhet fjalë për dy sulmues ndërsa dyshohet se bëhet fjalë për një sulm terrorist.
Një dëshmitar i identifikuar thjesht si Ines, i tha stacionit televiziv francez BFM se dëgjoi të shtëna, pa trupin e një njeriu të shtrirë në tokë dhe zonën që u evakuua shpejt nga policia.
Ndërkohë policia është vënë në gadishmëri dhe ka paralajmëruar qytetarët që të shmangin daljen në Avenue des Champs-Élysées. Vijon… (D.D/Shuplaka)
Discussion about this post