Teksa kreu i Bashkisë së Tiranës, Erion Veliaj ishte duke folur në mbledhjen e sotme të Këshillit, disa prej këshilltarëve të PD-së po brohorisnin në kor ‘’parti enver”, ‘’parti enver”.
Në këtë moment, Veliaj i ndërpreu duke iu thënë me ironi se ‘për budallallëqe jeni gati kurdoherë, pyetja është nëse jeni gati për ndonjë punë …’.
Po ashtu në këtë mbledhje këshilltarët demokratë kanë vendosur edhe postin ‘’Arditin e vranë plehrat” duke përkujtuar kështu vdekjen e të riut Ardit Gjoklaj në landfillin e Sharrës.
Më tej mbledhja ka vijuar normalisht dhe të dyja palët janë qetësuar.
(E.K/Faxweb)
