Kryetari i Partisë Demokratike Lulzim Basha në një deklaratë për mediat është përgjigjur lidhur me mundësinë që grupi i të pakënaqurve në PD të krijojë një parti të re.
Basha ka thënë se nuk është e vërtetë se nuk janë marrë për bazë kërkesat e tyre por nuk mund të ndërtphet alternativë duke sulmuar kryetarin e partisë. Ai tha gjithashtu se Kuvendi Kombëtar I Partisë Demokratike do të mbahet në pranverë dhe aty do të paraqiten edhe propozimet, duke shtuar se PD është një parti e anëtarëve dhe jo e kryetarit.
“Sulmet ndaj kryetarit s’janë alternative politike, si shërbejnë demokratëve që përballen ditë për ditë me krimin në pushtet, me varfërinë, papunësinë, largimin abuziv nga puna.
PD dhe demokratët kanë luftuar dhe vazhdojnë të luftojnë kundër krimit dhe drogës.
Kjo është një kauzë që do i bashkoje, as sulmet nga kafenetë as deklaratat e pabazuara nuk vlejne. Cdokush që bashkohet rreth këtyre vlerave,…. ftoj këdo të bashkohet rreth këtyre vlerave në një proces të hapur, modern dhe evropian nga e cila PD do ndërtojë alternativën jo thjesht të pushtetit të nesërm por transformim të madh politik të vendit.
Kuvendi Kombetar do te mblidhet ne pranvere dhe aty eshte vendi qe te japim te gjithe idete. Procesi i bashkimit te partise nuk eshte proces negociatash personale me kryetarin. Kam shpallur vizionin tim. Kjo eshte parti e anetarit, jo e kryetarit. Dhe kemi pune per te bere qe vendimarrja te merret nga anetaresia. E vetmja kërkesë eshte distancimi nga persona me rekorde kriminale dhe përqafimi i vlerave europiane”, tha Basha. (B.H/Faxweb)
Discussion about this post