“Partia Demokratike ka nevojë për flukse të reja”, Logu: Sot kemi një PD të aftë për t’u shkëputur nga e shkuara dhe për të parë para

Besart Logu, anëtar i Këshillit Kombëtar së PD-së, i ftuar në FaxNews, ka analizuar temat e ngjarjeve të fundit nga Partia Demokratike. Logu shprehet që në PD e mëparshme, fryma e ish-kryeministrit Berisha ndjehej kudo, sakaq me flukset e reja në parti, Partia Demokratike është duke marrë ngjyra të tjera.

Mbi betejat brenda partisë, Logu tregon që beteja e parë është fituar, zgjedhja e kreut të ri të Grupit Parlamentar, por janë ende përplasjet gjyqësore.

Mbi rezultatet e dobëta që PD shënoi në këto zgjedhje, Besart Logu e arsyeton me mungesën e një strukture të cunguar, pasi njerëzit që shkuan te Foltorja nuk u zëvendësuan, duke lënë kështu një PD të çalë.

Besart Logu: Të jemi të sinqertë, zotin Basha para se të niste përplasja kam pasur një bindje që zoti Basha po digjet pa u provuar. E them sepse dualizmi në PD ka qenë i dukshëm. Dukej qartë prezenca e zotit Berisha kudo në PD. Fakti që Foltoren e mbështetën stafi më i ngushtë edhe ato e braktisën, shkuan te zoti Berisha.

Rikthimi i tij, do ta dëmtonte nëse do të ishte Basha me shpatullat e ngrohta nga Berisha. Një Bashë ndryshe do të ishte më ngacmues.

Është non grata dhe parimi i qarkullimit të elitës që e kushtëzojnë zotin Berisha.

Dera është e hapur, PD ka nevojë për flukse të reja. Dua të sjell në vëmendje krijimin e këshillit euroatlantik, një strukturë e përbërë nga prirje të djathta, figura të nderuara. Emra të larguar nga Berisha. Janë emra me vlerë.

Nëse do flasim për betejat brenda grupit për dominim, beteja e parë sapo u fitua në zgjedhjet e kryetarit të ri të Grupit Parlamentar. Përplasja gjyqësore do vazhdojë. Nëse PD do vijë me kokën mbrapa, nuk duhet të harxhojë më energji për atë.

Sot kemi një PD të aftë për t’u shkëputur nga e shkuara dhe për të parë para.

Një nga arsyet pse PD shënoi atë rezultat të dobët, ishte dhe një strukturë e cunguar. Nuk u zëvendësuan njerëzit që ikën te Foltorja.

Gjatë fushatës kishte teori të ndryshme, nuk do shok në pjesën që ka tradhtar brenda PD-së. Shumë personazhe i kam parë në kufijtë e naivitetit politik. Nuk mund të qëndrosh mbi palët në luftën brenda llojit.