Partia e Gruevskit kundër zyrtarizimit të gjuhës shqipe: Projektligji shkel Kushtetutën

Qeveria e Maqedonisë me në krye Zoran Zaev, miratuan sot projektligjin, i cili parashikon që gjuha shqipe të bëhet gjuhë zyrtare.

Mirëpo VMRO DPMNE e Nikolla Gruevskit, ka reaguar kundër këtij vendimi. Sipas kësaj force politike, propozimi është në kundërshtim me kushtetutën dhe për këtë arsye VMRO DPMNE nuk do ta mbështesë atë.

 “Mjafton të shikoni nenin 1 të Ligjit për Maqedoni dygjuhësore të cilin e propozojnë Zaevi, Hazbi Lika dhe Radmila Sheqerinska, do të shihni se ky ligj dhe ky nen bie ndesh me normat kushtetuese të Kushtetutës së RM-së. Ne nuk mundemi e as nuk guxojmë të mbështesim ligj që bie ndesh me Kushtetutën.

E dyta, gjatë kohë paralajmëronim, edhe gjatë fushatës parazgjedhore edhe pas fushatës, se Zaevi është marionetë që nuk i mbron interesat nacionale të Maqedonisë, por të njëjtat i shet përmes Platformës së Tiranës, përmes Marrëveshjes me Sofjen, me qëllim që t’u ikur veprave penale që i ka bërë”, deklaroi Antonio Milloshovski i kësaj force politike. (D.D/Shuplaka)