Pas një jave të gjatë diskutimesh në lidhje me zhvillimin e ndeshjeve të Partzianit në ‘’Selman Stërmasi’’ dje erdhi vendimi final. Me ndërmjetësimin e Bashkisë dhe Klubeve, Partizani do të luajë ndeshjet e mbetura të këtij viti në stadiumin e tiranës, përkundrejt një pagese.
Presidenti i Partizanit, Gazment Demi, u ka bërë thirrje tifozëve të klubit të tij që të ruajnë dhe trajtojnë stadiumin “Selman Stërmasi” si të ishte i tyri. Sipas Demit, arsyeja kryesore ishte për të evituar pakënaqësi te Tirana, ku i bënte thirrje tifozëve bardheblu të qetësoheshin pas reagimeve të ekzagjeruara të orëve të fundit.
Por në intervistën e dhënë për “Top Channel”, njëkohësisht ai bëri të qartë se në eventualitetin që stadiumi i Partizanit nuk do të ishte i gatshëm në fillimin e sezonit të ardhshëm, të kuqtë mund të shtynin edhe për një tjetër vit qëndrimin në “shtëpinë” bardheblu.
”Ne flasim për pjesën e mbetur të kampionatit. Më pas unë besoj se do të realizohet stadiumi jonë, nëse jo atëherë do të flasim sërish. Pra, marrëveshja është për pjesën e mbetur të kampionatit, por edhe do të zgjasë edhe për një vit tjetër, nuk do të ketë asnjë problem”, është shprehur Demi ndër të tjera. (E.K/SHUPLAKA)
Discussion about this post