Partizani-Kukësi, policia rregulla të forta për në ‘Selman Stermasi’, akset që do të bllokohen

Nesër në  “Selman Stërmasi” do të zhvillohet takimi  për Kampionatin Kombëtar të Futbollit midis të Partizanit dhe Kukësit.

Policia e Tiranës ka njoftuar njofton se gjatë hyrjes në stadium do të jetë i nevojshëm mjeti i identifikimit, si dhe fëmijët nën moshën 16 vjeç nuk do të lejohen të hynë pa u shoqëruar nga prindërit .

Mësohet se në hyrje të stadiumit do të ketë kontrolle të imtësishme ndaj çdo personi për sende që nuk lejohen.

Po ashtu bëhet me dije se do të ketë bllokime të disa segmenteve rrugore si dhe bllokime të pjesshme të disa segmenteve rrgugore.

Segmentet Rrugorë që do të jenë të bllokuara, nga ora 16:00 – 22:00, janë:

– Rruga përballë Stadiumit “Selman Stërmasi”

– Rruga “Gjin Bue Shpata”, nga kryqëzimi me Rrugën “Emin Duraku” deri tek kryqëzimi me Rrugën “Sulejman Delvina”

– Rruga “Emin Duraku”, nga kryqëzimi me Rrugën “Gjin Bue Shpata” deri tek rruga përball Stadiumit “Selman Stërmasi”

– Njëra korsi e Rrugës “Sulejman Delvina”,  nga kryqëzimi me Rrugën “Gjin Bue Shpata” deri tek kryqëzimi me Rrugën përballë Stadiumit “Selman Stërmasi”

Segmentet Rrugorë ku do të ketë kufizime lëvizje ose bllokime, nga ora 15:00 – 16:00, gjatë kalimit të tifozerisë së ekipit të “Partizanit”, janë:

Nisja nga kryqëzimi i Rrugës “Muhamet Gjollesha” me Rrugën “Artan Lenja”, përgjatë Rrugës “Muhamet Gjollesha”, Rruga “Sulejman Delvina”, deri tek Stadiumi “Selman Stërmasi”.

Për të gjithë tifozët, të cilët do të kryejnë veprime të dhunshme, do hedhin sende në drejtim të fushës, apo do përdorin lëndë piroteknike, si dhe çdo veprim tjetër në cenim të mbarëvajtjes së ndeshjes, do të ketë sanksione ligjore ndaj tyre. (M.D/Shuplaka)