Partizani mendon për sezonin e ardhshëm, nënshkruan marrëveshjen me ish-mbrojtësin e Teutës

Skuadra e Partizanit di të bëj lëvizjet e duhura në kohë e  duhur.

E  tillë ka qenë dhe marrëveshja e nënshkruar me lojtarin Blerim Kotobelli, ish-mbrojtësi i Teutes. Zyrtarizimin e bëri vetë faqja e Partizanit në rrjetet sociale teksa njoftoi prezantimin e Blerim Kotobellit, i cili do të jetë i gatshëm për skuadrën që në sfidat e Ligës së Europës. Ish-futbollisti i Teutës pas disa ditësh negociata ka nënshkruar një kontratë 1+1. Me përforcimin e ri duket se Reanldo Kalarit do t’i duhet të qëndrojë gjatë në stol.

“Klubi njofton arritjen e marrëveshjes me lojtarin Blerim Kotobelli. Ish mbrojtësi i Teutës tashmë do të jetë pjesë e 15-të herë Kampionëve të Vendit në sezonin e ri futbollistik. 24-vjeçari ka nënshkruar sot një kontratë të vlefshme1 + 1. Kotobelli i cili është prezantuar sot nga drejtuesit më të lartë të klubit, është edhe përforcimi i parë i skuadrës në merkaton e verës dhe do të mbajë veshur fanellën me numrin 15-të.

#MirsevjenNëFamiljenEKuqeBlerim…”

Mesa duket “Demat e kuq” tashmë janë gati  për sezoni e ardhshëm. (S.SH/Shuplaka)