Partizani duket se po përjeton një makth të vërtetë në kampionatin shqiptar. Në ndeshjen e sotme ndaj Lushnjës pritej kthesa e madhe ku të kuqtë të fitonin dhe të rikthenin mbi të gjitha besimin në ekip. Por ka ndodhur e kundërta Partizani nuk ka shkuar më shumë se një barazim ndaj ekipit modest të Lushnjës.
Ndeshja ka përfunduar 0-0, një rezultat surprizë dyhe mjaft pozitiv për Lushnjën por mjaft zhgënjyes për Partizanin i cili nuk arrinë të gjejë rrugën e golit edhe pas 4 javësh kampionat.
15 herë kampionët e vendit pavarësisht se në minutat e fundit goditën dy herë shtyllën, bënë shumë pak për të fituar takimin. Ndeshja e sotme konfirmon krizën tek Partizani I cili nuk po gjen zgjidhje. Kujtojmë që trajneri Iuliano u shpreh se në këtë ndeshje Partizani do të bënte kthesë por kjo nuk ka ndodhur përsëri.
Ky barazim mund të rrezikojë edhe pankinën e italianit. Partizani renditet në vendin e fundit me Lushnjën me dy pikë. (B.H/Shuplaka)
Discussion about this post