Pas një nisje jot ë mirë të kampionatit shqiptar këtë vit Partizani ka lëvizur në merkato duke transferuar ish-futbollistin e Vardarit Jasir Asani.
Të kuqtë kanë nënshkruar një kontartë 4-vjeçare me 22-vjeçarin i cili gjithashtu luan edhe për ekipin U-21 të Shqipërisë.
Asani ka premtuar se do të japë maksimumin për ekipin për të arritur objektivat.
“jam shumë i lumtur që nga sot jam pjesë e Partizanit , një klub i madh në Shqipëri. Premtoj të jap maksimumin tim për të ndihmuar skuadrën në arritjen e objektivave dhe të bëjmë një prezantim pozitiv në Europë. I premtoj tifozëve të Partizanit se do të jap maksimumin ti gëzoj në çdo ndeshje”, tha ai.
NJOFTIMI I KLUBIT TË PARTIZANIT:
Klubi njofton arritjen e marrëveshjes me Jasir Asanin. Sulmuesi i talentuar 22 vjeçar ka nënshkruar sot një kontratë 4 vjeçare me 15-të herë kampionët e vendit. Menjëherë sapo ka firmosur kontratën me të kuqtë, lojtari shqiptaro-maqedonas është prezantuar në ambientet e klubit. Asani është një lojtar i formuar në akademinë e klubit të Vardar, skuadër me të cilën ka fituar edhe 2 tituj kampion në Maqedoni. Gjithashtu ai ka qenë pjesë e kombëtareve të moshave të Maqedonisë , por në fund zgjodhi ekipin U -21 të Shqipërisë, falë edhe nënshtetësisë shqiptare. (B.H/Shuplaka)
Discussion about this post