Pas 15 ndeshjeve pa humbje, thyhet më në fund Manchester City, ndryshon renditja në kampionatin anglez

Chelsea e ka mundur 2-0 Manchester Cityn të shtunën në Londër në derbin e javës në kampionatin anglez, duke ia ndërprerë ecurinë e përkryer pa humbje këtë sezon në Premierligë.

Skuadra e Pep Guardiolës vinte nga një ecuri prej 13 fitoreve, 2 barazimeve dhe asnjë humbjeje. Kjo ishte humbja e parë e kampionit në fuqi pas plot tetë muajsh në Premierligë. Manchester City mbetet në kuotën e 41 pikëve dhe tani e humb pozitën e parë, e cila i takon Liverpoolit me 42 pikë.

Chelsea ruan pozitën e tretë me 34 pikë, aq sa ka edhe Arsenali një vend më poshtë. (B.H/Faxweb)