Shorti i hedhur e ka vënë Skënderbeun përballë Partizanit të Beogradit, një ndeshje e cila nuk është thjeshtë një lojë brenda 90 minutave, por mbart peshë të fortë emocionale për shkak të marrëdhënive të vështira historike me serbët.
Madje këtë e provoi edhe ndeshja Serbi -Shqipëri në Beograd , ku futbolli kaloi në plan të dytë për shkak të dhunës ndaj futbollistëve të kombëtares.
Por edhe pas ndeshjes që ndezi aq shumë polemika mes dy vendeve, duket se UEFA Nuk ka “zënë mend” dhe pësëeri ka vendosur që të vensosë përballë një skuadër shqiptare me një serbe. Sigurisht që ka pak gjasa që të përsëriten incidentet e ndeshjes Serbi-Shqipëri, dhe sigurisht që sportdashësit duan që gjihçka t’i mbetet fushës e lojës.
Kjo është një ndeshje e vçantë edhe për fakin se Skënderbeu ka mundësinë e artë të përsërisë historinë, pikërisht suksesin e një tjetër ekipi shqiptar, Flamurtarit të Vlorës, që para 30 vitesh në sezonin 1987-1988 eliminonte Partizanin e Beogradit në fushën e vet me një perlë hisorike të Sokol Kushtës.
Atëherë ishte Kupa UEFA (Europa League) kur Flamurtari ndeshej me Partizanin e Beogradit. Në ndeshjen e parë në Vlorë kuqezinjtë fituan 2-0, por historia u shkrua nga vlonjatët në Beograd.
Në takimin e kthimit, Partizani udhëhiqte 2-0 me golat e Stevanovic dhe Fadil Vokrrit (sot president i Federatës Kosovare të Futbollit, në atë kohë luante me Partizanin e Beogradit).
Por në minutën e 76-të perla e Sokol Kushtës tronditi Beogradin dhe me rezultatin 2-1 u kualifikua Flamurtari.
Kjo ndeshje mbahet ende si një nga vitrinat më të mira të futbollit shqiptar. (B.H/Shuplaka)
