Keni gati 7 vite që e shikoni çdo fundjavë t’ju bëjë të qeshni me humorin e saj. Aktorja e famshme tashmë ka vendosur ta zgjerojë karrierën e saj dhe do t’I futet edhe muzikës.
Bëhet fjalë për Esmeralda Metkën, që e njihni si Cubi, dhe e keni parë gjithmonë në skenën e “Apartamenti 2XL”.
E ftuar në “Lart e Poshtë”, ajo ka rrëfyer se ka pasion edhe muzikën madje ka kënduar që në moshë të vogël.
“Në fakt kam në plan një projekt, do të bëj një këngë me tim vëlla mendojmë ta paraqesim në një konkurs shumë të mirë televiziv, por nuk e zbuloj se ku. Për ju po zbuloj vetëm një gjë, do t’i bie kitarës. Aktori duhet të jetë i gjithanshëm, duhet të jetë fin qoftë edhe nga ana fizike, duhet të ketë vesh të mirë muzikor, sepse të pasurit një vesh të mirë muzikor ty të ndihmon edhe për të dëgjuar më së miri partnerin në skenë,”- tha Cubi.
Aktorja rrëfeu se së shpejti do ta shohim edhe në teatër, në bashkëpunim me regjisoren Elma Doresi.
(F.M/Faxweb)
