Pas 9-ditësh polumbarët kanë nxjerrë nga lumi Fan trupin e 55-vjeçarit Fran Bardhi. Ai kishte rënë në lumë që prej datës 5 shkurt dhe vetëm sot u bë e mundur nxjerrja e tij.
NGJARJA:
Një person raportohet të jetë mbytur në lumin Fan teksa ishte duke punuar. Ai është identifikuar si Fran Bardhi 55 vjeç, banues në Ndër Fanë, Mirditë.
55-vjeçari mësohet se është rrëzuar teksa punonte në anë të lumit Fan dhe e ka marrë rrjedha e lumit. Familjarët e tij denoncuan rastin e rëndë në Policinë e Mirditës. Ata pretendojnë se policia nuk ndërhyri në kohë pavarësisht denoncimit.
Nga ana tjetër, burime të policisë shprehen se kanë kërkuar mbështetjen e forcave special RENEA për gjetjen e trupit.
Discussion about this post