Pas 90 ditësh, mëngjesi i sotëm në bulevardin “Dëshmorët e Kombit’ është ndryshe, i hapur dhe qarkullojnë makina.
Gjatë orëve të mbrëmjes së djeshme është çmontuar “Çadra e Lirisë” pasi është arritur marrëveshja mes Edi Ramës dhe Lulzim Bashës.
Çmontimi i çadrës nisi mbrëmjen e djeshme, ndërsa ishte kryetari i Partisë Demokratike, Lulzim Basha ai që i komunikoi protestuesve se ajo do të hiqej.
Kujtojmë se opozita kishte ngritur çadrën para godinës së Kryeministrisë, konkretisht në 18 shkurt 2017, ku kërkonte qeveri teknike përmes së cilës mund të realizohen zgjedhje të lira dhe të ndershme. (J.V/Shuplaka)
