Një ditë pas aksidentit me pasojë vdekjen e 17-vjeçarit nga Vlora dhe plagosjen e një tjetri, policia ndalon inxhinierin dhe përgjegjësin e firmës së ndërtimit që ka kryer punimet në rrugën Skelë-Ujë i ftohtë.
Tomorr Cena dhe Ilirian Tahmazi, i pari inxhinier dhe i dyti përgjegjës i sigurimit teknik, dyshohen për kryerjen e veprës penale “Shkelja e rregullave të mbrojtjes në punë”.
“Po s’vajtën në burg përgjegjësit, do i varros vetë në atë gropë”, është shprehur biznesmeni Renato Panajoti, babai i viktimës Kristi Panajoti.
Familjarët e të ndjerit akuzuan firmën e ndërtimit “Xh & M Sh.p.k” për gropën e hapur në mes të rrugës, ndërsa zbuluan se njëkohësisht mungonte ndriçimi dhe sinjalistika në këtë aks rrugor.
Kristi Panajoti humbi jetën dhe kushëriri i tij Petro Bego mbeti i plagosur në aksidentin e ndodhur mbëmjen e së shtunës. Automjeti i tyre “BMW X6” u rrëzua në kanal pasi u pengua nga një gropë e hapur në mes të rrugës.
Discussion about this post