Pas bombës që shpërtheu pranë zyrës së LSI në Durrës dhe pas deklaratës së ministrit të LSI-së, Lefter Koka, që akuzoi për eksplozivin në zyrën elektorale të partisë së tij “zagaret e Rilindjes”, PS-ja e Durrësit ka reaguar.
Ajo flet për një ngjarje të inskenuar duke deklaruar se distancohet nga akti.
Reagimi i PS në Durrës:
Në radhë të parë dënojmë ngjarjen e sotme dhe distancohemi nga ky akt i turpshëm vandal.
Kërkojmë nga organet ligjzbatuese hetimin dhe zbardhjen sa më të shpejtë të ngjarjes, e cila nuk i sherben aspak zhvillimit normal të procesit zgjedhor.
Shprehim keqardhje që LSI ende pa u kryer asnjë hetim nga organet ligjzbatuese nxiton të akuzojë.
Nxitimi për të akuzuar, më së shumti, ngre dyshimet për një ngjarje të inskenuar nga vet LSI me synim përdorjen e saj për qellimet elektorale të ditës.
Asnjë tentativë për tensionimin e situates nuk do mund të dalë me sukses pasi fushata në tërësi ka qenë e qetë dhe pa probleme.
Qytetarët e Durresit e refuzojne dhunen dhe tensionin pasi duan të shkojnë të qetë drejt kutive të votimit për të shprehur me votë vullnetin e tyre të lirë.
(M.D/Shuplaka)
Discussion about this post