Për Emergjencat Civile problemi kryesore pas rreshjeve të dëborës sot dhe nesër është akulli, të cilat do të vijnë pas temperaturave që pritet të ulen deri në -20 gradë celcius.
Sipas drejtorit të Emergjencave Civile, Shemsi Prençi, 90 fshatra në Kukës, Dibër dhe Korçë rrezikojnë bllokimin.
“Deri nesër do të ketë reshje dëbore, nga nesër e tutje, për shkak të rënies së temperaturave, do të kalojnë në ngrica. Nuk do të ketë më reshje dëbore, por problem do të jetë akulli në rrugë, për të cilën ne kemi bërë apel të gjithë kompanive me detyrime kontraktore dhe bashkive, të sigurojnë depozita kripe për spërkatjen e rrugëve. Edhe në ato rajone ku nuk do të bjerë dëborë, por do të jetë shi, problemi më i madh është që pas shiut do të ketë ngrica”, ka thënë Prençi në një intervistë për Top-Channel.
Sa i përket zonave që mund të bllokohen, shefi i Emergjencave Civile ka thënë: “Janë parashikuar që do të jenë në të gjithë Shqipërinë rreth 90 fshatra. Kryesisht do të jenë në qarkun e Shkodrës, Kukësit, Dibrës, Elbasanit dhe Korçës.
Në fund Prençi ka edhe një apel për drejtuesit e makinave: “Sa më pak lëvizje të panevojshme. Të përdorin zinxhirë në të gjithë segmentin me ngricë dhe atje ku ata shikojnë që nuk është hedhur skorje dhe kripë, është më mirë të ndalojnë”. (A.R/SHUPLAKA)
Discussion about this post