Pas Botërorit, futbollisti përplas për vdekje një person (Detajet)

Një prej lojtarëve më të mirë të Marokut, pas eleminimit nga Botërori është përfshirë në një aksident me vdekje.

Futbollisti i Schalkes dhe kombëtares marokene, Amine Harit ka përplasur për vdekje një person. Pas aksidentit 21-vjeçari është ndaluar nga policia dhe i është konfiskuar pasaporta.

Në lidhje me rastin ka reaguar edhe ekipi i Schalkes.

“Shoferi i makinës nuk ishte në gjendje të parandalonte aksidentin. Mbi të gjitha, Amina dhe ne në FC Schalke do donim t’i dërgonim ngushëllimet tona familjes së viktimës”, shkruhet në njoftimin e klubit nga Bundesliga.

Sipas disa dëshmitarëve makinën e ka pasur vëllai i tij 14-vjeçar, po ende nuk dihet masa që mund të merret në drejtim të futbollistit.

(E.K/FAXWEB.AL)