“Pas Brexit, së Britanisë nga Bashkimi Europian, Brukseli do të vijojë me integrimin e vendeve të Ballkanit Perëndimor.”
Kjo deklaratë erdhi nga Përfaqësuesja e Lartë e BE-së për Politikat e Jashtme, Federica Mogherini. Sipas saj, BE ka ndihmuar në kurimin e plagëve të Ballkanit Perëndimor.
Mogherini, ka deklaruar se dalja e Britanisë nga unioni nuk do ta dobësojë bllokun europian, por përkundrazi, Brukseli do të vijojë me integrimin e vendeve të Ballkanit Perëndimor.
Për “La Stampa”, shefja e diplomacisë europiane tha se këto vende e kanë shprehur aspiratën e tyre për antarësim në union dhe se procesi do të vazhdojë më tej.
“Jam e sigurt se e ardhmja e unionit nuk do të ndalet në shifrën e 27 anëtarëve, pasi ne do të kemi anëtarësime të reja. Kur them këtë, marr për bazë procesin e anëtarësimit me vendet e Ballkanit Perëndimor. Shumë persona e kanë cilësuar këtë proces si ‘zgjerim’, por unë preferoj që t’a quaj ‘ribashkim i Europës’.”- tha ajo.
“Besoj se vendet e Ballkanit, falë marëdhënies që kanë me BE-në, kanë arritur që të kurojnë plagët e 20 viteve më parë. Ky udhëtim është i gjatë dhe i lodhshëm dhe rruga mund të mos jetë gjithmonë e drejtë. Por, unë jam e bindur se rruga do të vazhdojë dhe kjo falë faktit se çdo vend i Ballkanit ka një perspektivë të përbashkët, që është Bashkimi Europian,”- u shpreh më tej Mogherini. (M.D/Shuplaka)
Discussion about this post