Pas dorëheqjes së ish-drejtoreshës së Tatimeve Brisida Shehaj si zëvendësministre nga Ekonomia, tjetër dorëheqje në strukturën që drejton ministrja Milva Ekonomi.
Sipas ‘’Dritare.net’’, kësaj here është dorëhequr zëdhënësi i kësaj ministrie Muhamed Veliu.
Gazetari Veliu la ‘’Top Channel’’ për të qenë në krye të Zyrës së Shtypit të Ekonomit, e cila kohë më parë kryente funksionin e zëvendësministres së Shëndetësisë.
Veliu ka një karrierë të gjatë si gazetar, duke shërbyer edhe si korrespodent i ‘’Top Channel’’ në Londër.
‘’Shuplaka’’ kontaktoi ish-zëdhënësin e Ekonomit, por ende nuk ka marrë një koment prej tij për situatën problematike që duket se është krijuar së fundmi dhe shkaqet që e kanë detyruar të dorëhiqet.
