Pas Bushatit edhe Kodheli në zyrën e Tahirit, frikë për shkarkimin?

Pas ministrit të Punëve të Jashmte Ditmir Bushati, në zyrën e ministrit Saimir Tahiri shkon me urgjencë edhe ministrja e Mbrojtjes Mimi Kodheli.

Gjatë ditës së sotme u përfol se Tahiri i ka dorëzuar dorëheqjen kryeministrit Edi Rama, madje u përfol edhe për një ndryshim të mundshëm të kabinetit qeveritar. Mirëpo vetëm një orë më parë, Tahiri e përgënjeshtroi lajmin nëpërmjet një postimi në Facebook.

Kujtojmë se kur u shkarkua ish-ministri i Drejtësisë Ylli Manjani në janar,  edhe ky njëlloj si Tahiri sot, e përgënjeshtroi lajmin nëpërmjet një postimi në Facebook, por të nesërmen doli në një konferencë për shtyp për të lajmëruar shkarkimin.

Midis ministrave që pritet të largohen, sot u përmendën edhe emrat e Bledi Çuçit, Mimi Kodhelit, Ilir Beqaj, Damian Gjiknuri dhe Ditmir Bushatit.

Kështu Bushati dhe Kodheli, njëlloj si Tahiri janë në rrezik se në mbledhjen e kryesisë së PS-së këtë të hënë, Rama mund t’u firmosë shkarkimin. Edhe pse nuk ka një njoftim zyrtar mbi temën e diskutimit të tre ministrave gjatë këtij takimi të sotëm, mendohet se bëhet fjalë për shkarkimin e mundshëm të tyre. Në takimin mes Tahirit, Bushatit dhe Kodhelit merr pjesë dhe deputeti Eduart Shalsi. (D.D/Shuplaka)