Pas paralajmërimit të drejtorit të Policisë së Shtetit Haki Çako dhe kryeministri Rama është shprehur qartë se një tjetër betejë pritet të fillojë kundër grupeve të strukturuara kriminale.
“Është koha që pas luftës kundër kanabisit të godasim të gjitha grupet e strukturuara kriminale. Policia e shtetit ka gjithë informacionin e duhur, me emrat me bëmat e këtyre lloj mallrave që të bëjnë të mundur një superaksion dhe ti japin një mesazh njerëzve të zakonshëm të këtij vendi.
Pres goditjen e pjesëve dhe brenda policisë së shtetit që janë të lidhur me krimin, ose më keq akoma janë të nënshtruar prej tij”, u shpreh Rama.
Ndërkohë që pak minuta më parë Drejtori i Policisë së Shtetit Haki Çako u shpreh se janë nën hetim 5 grupe kriminale.
“Objektivat kryesore të policisë së shtetit, si rezultat i punës së bërë, monitorimit deri në skajin më fundor gjeografik nga toka e ajri, jemi në një situatë plotë kontrolli. Të gjitha strukturat e shtetit vijojnë kontrollin në vendet ku mund të mbillen fidanë kanabisi, janë kryer 3700 kontrolle.
Evidentimi dhe goditja e grupeve kriminale që synojnë të trafikojnë lëndën narkotike. Janë angazhuar të gjitha forcat e policisë në kuadër të kësaj pune, qoftë për të dëmtuar asetet që janë krijuar nga shitja e trafikimi i lëndë narkotike. Po hetohen 5 grupe të strukturuara kriminale, janë evidentuar pasuritë e asetet kudo që i kanë, shtëpi, truall, automjete, biznese.
Policia e Shtetit është e vendosur për ta finalizuar me sukses këtë betejë si dhe të çojë përpara gjykimit ata zyrtarë që nuk kryejnë dertyrën si duhet,” tha Çako.
(E.K/SHUPLAKA)
Discussion about this post