Kryeministri Rama po ndjek një parim të qartë në këtë fushatë elektorale: mos lër studio pa shkuar. Theu akullin 7-vjeçar me Arjan Çanin, madje këtë javë jashtë çdo parashikimi do të jetë në studion e Ermal Mamaqit.
Po pse kjo zgjedhje e kryeministrit Rama? Sigurisht që këto dy emisione përveç marrëdhënieve jo të mira që ka pasur me të dy drejtuesit kanë dhe një tjetër specifikë. Të dyja kanë një publik disi më të ri në moshë krahasuar me tregun.
Mos ndoshta në mënyrë jo të vetëdijshme kryeministri Rama po e tregon fare qartë se problemi i PS-së në këto zgjedhje është dhe mbështetja e paktë nga të rinjtë?!
Vetë ai e komentoi me shaka në studion e “Zonë e Lirë” se kishte shkuar atje me urdhër nga lart, pra nga këshilltari për mediat Endri Fuga, duke dashur të jepte një përgjigje brenda natyrës së tij.
Dhe sigurisht që batutat janë e vetmja armë e fortë që kryeministri ka përdorur përgjatë gjithë këtyre javëve të fushatës. E pse të ketë një program ku të përballen idetë, programet, arritjet e dështimet sa kohë që publiku sipas Ramës kërkon “Show-n”?! Aq më shumë të rinjtë. Me siguri pjesëmarrja e lartë e të rinjve dje në mitingun e LSI-së do e ketë bërë efektin e vet.(E.K/SHUPLAKA)
Discussion about this post