Pas deklaratëve për nga studentët se janë kërcënuar nga pedagagoët se nëse marrin pjesë në protestë do tu vendosen mungesa, ka reaguar rektori i Universitetit të Elbasanit Skënder Topi.
Burime bëjnë të ditur se rektori ka kërkuar që pedagogët të bëjnë punën e tyre, por jot ë grumbullojnë me detyrim dhe kërcënime studentët, pasi do të mbajnë përgjegjësi.
Studentët e Elbasanit më herët denoncuan se janë përballur me kërcënime nga ana e pedagogëve për shkak të protestës së tyre.
Një prej studenteve thotë për gazetaren e Fax News Entela Duka se shumë prej bashkëmoshatarëve të saj janë përballur me kërcënime se do të ngelen në rast se dalin në protesta.
E megjithatë asgjë nuk i ndal studentët e Elbasanit që të nisen sot drejt Tiranës për t’u bashkuar me studentët e tjerë që protestojnë përpara Ministrisë së Arsimit.
Kujtojmë se 4 kërkesat e studentëve ishin:
1. Anulimi i VKM për tarifa shtesë.
2. Përgjysmimi i tarifës së studimit.
3. Përmirësimi i kushteve të konvikteve.
4. Bordi i Administrimit të ketë̈ numër të barabartë votash mes fakulteteve dhe Ministrisë se Arsimit, duke shtuar një përfaqësues nga studentet ne bord.
Studentët e UBT-së kanë shtuar dhe disa kërkesa të tjera, që vijojnë si më poshtë:
Kërkesat e studentëve të Universitetit Bujqësor të Tiranës:
1- Paisja e të gjithë studentëve me Kartën e Studentit brenda vitit akademik 2018 – 2019;
2- Rritja e buxhetit për arsimin me 8% të GDP-së, buxheti për vitin 2019;
3- Reduktimi tarifës me 30% për vitin akademik 2018 – 2019;
4- Reduktimi tarifes me 50 % për vitin akademik 2019 – 2020;
5- Arsim publik falas për vitin akademik 2020 – 2021;
6- Përmirësimi i kushteve të konvikteve të Universitetit Bujqësor të Tiranës;
7- Mbështetja e aktiviteteve dhe projekteve të studentëve me një fond të veçantë, nivel fakulteti;
8- Mbështetje e studentëve për kërkime shkencore;
9- Mbështetje e studentëve të doktoraturës me fonde për kërkimin shkencor;
10- Rritja nga 10% në 40% e peshës totale të votës së studentëve për të zgjedhur kandidatët për dekan/rektor, dhe rritja e përfaqësisë së studentëve në senatin akademik me 20%.
(M.Q/Faxweb.al)
