Menjëherë pas deklaratës së kreut të Partisë Demokratike, Lulzim basha ka reaguar edhe kryetarja e Lëvizjes Socialiste për Integrim Monika Kryemadhi, e cila me anë të një statusi në rrjetet sociale ka deklaruar se beteja kundër Ramës dhe bandave të krimit vazhdon.
“Beteja kundër Ramës dhe bandave të krimit vazhdon. Nuk ka parë gjë akoma!”, – shkruan Kryemadhi.
Ndërkohë, vetëm një orë më parë kreu i opozitës, Lulzim Basha deklaroi për mediat nga selia e PD-së se ka vendosur që ti propzojë grupit parlamentar të partisë që drejton djegien e mandateve.
Basha tha se e ka lexuar siç duhet mesazhin që erdhi nga protesta. Ndaj ai deklaroi se do ti propozojë grupit parlamentar që të marrin vendimin për të djegur mandatet.
“Ne përballë nuk kemi një kryemininistër dhe parti politike, por një bandë. Ka ardhur në pushtet nëpërmjet bandave dhe për llogari të bandave. Ju siguroj që unë e kam kuptuar mesazhin tuaj, ai është i qartë, kështu nuk vazhdohet më, kupa është mbushur dhe derdhur. Ne nuk do të vazhdojmë të jemi fasadë e një parlamenti. Ndaj unë jam sot këtu për t’ju thënë me përgjegjësi të plotë se e kam lexuar vullnetin tuaj. Ndaj kam vendosur t’i propozoj grupit parlamentar dhe forumeve më të larta politike djegien e mandateve të deputeteve tanë”, tha ai.
Basha u shpreh se ky vendim merret në respektim të demokracisë dhe shtoi se kërkon qeveri tranzitore për të realizuar zgjedhje të parakohshme, të lira dhe të ndershme për qytetarët shqiptarë.
Ende nuk është bërë e ditur nëse ky vendim i Bashës është i konsultuar me kryetaren e LSI-së apo jo.
(F.GJ/FAXWEB.AL)
