Fax Web denoncoi gjatë ditës së sotme se dy ditë më parë në vendin e quajtur Shqopë, në fshatin Tërbuq të Gjirokastrës, është gjetur në pyll e groposur një fuçi më vëllim 200 kg brenda së cilës kishte qese dhe pako me rreth 14 kg lëndë narkotike (Lexo këtu).
Ndërkohë që Policia e Gjirokastrës pavarësisht se kishin kaluar dy ditë, nuk kishte dhënë asnjë deklaratë zyrtare.
Me anë të një deklarate të bërë gjatë pasdites së sotme, Policia njofton se “Specialistët për Hetimin e Narkotikëve mbi bazën e informacioneve të marra në rrugë operative se në një zonë të pyllëzuar një person kishte fshehur një sasi lënde narkotike, kanë orgznizuar punën dhe si rezultat i kontrollit në afërsi të fshatit Tërbuq, u gjetën 13.8 kg lëndë e dyshuar Cannabis Sattiva e fshehur në tokë”.
Sipas Policisë po punohet për kapjen e autorit, ku për arsye hetimore nuk bëhen me dije të dhëna të tjera.
Deklarata e Policisë:
Specialistët për Hetimin e Narkotikëve mbi bazën e informacioneve të marra në rrugë operative se në një zonë të pyllëzuar një person kishte fshehur një sasi lënde narkotike, kanë orgznizuar punën dhe si rezultat i kontrollit në afërsi të fshatit Tërbuq, u gjetën 13.8 kg lëndë e dyshuar Cannabis Sattiva e fshehur në tokë.
Lënda e dyshuar narkotike u sekuestruan në cilësinë e provës materiale.
Nga ana e Policisë po punohet për kapjen e autorit, ku për arsye hetimore sbëjmë me dije të dhëna të tjera.
Materialet i kaluan Prokurorisë pranë Gjykatës së Shkallës së Parë Gjirokastër për veprën penale “Prodhim dhe shitje e lëndëve narkotike”, parashikuar nga neni 283/a i Kodit Penal.
(F.GJ/FAXWEB.AL)
Discussion about this post