Pas denoncimit të ish-kryeministri Sali Berisha, Prokuroria ka nisur hetimet për inspektorin Dedë Kodra, i cili dyshohet se ka marrë pjesë në një takim elektoral të Partisë Socialiste. Kodra, i cili është specialist në Komisariatin e Policisë Shkodër është pezulluar ndërkohë nga puna.
“Sot u bë pezullimi nga detyra dhe ka filluar hetimi disiplinor për shkelje të rëndë bazuar në nenin 205 pika 13 e Rregullores së Policisë Shtetit për Inspektor D.K., me detyrë Ndihmes Specialist i Policimit në Komunitet në Komisariatin e Policisë Shkodër në Drejtorinë Vendore të Policisë Shkodër, pasi dyshohet se eshte perfshirë në aktivitet të një subjekti politik”, njofton policia.
Vetëm para pak orësh, ish-kryeministri Sali Berisha, ka publikuar një mesazh të qytetarit dixhital siç e quan ai, ku denoncohet rasti i një polici që bënte fushatë në shkodër për Partinë Socialiste. Punonjësi i policisë i përmendur, quhet Dedë Kodra dhe siç duket është i njëjti që sapo është pezulluar nga puna. Vijon.. (D.D/Shuplaka)
Discussion about this post