48 orë pas vetëmbytjes së Arben Shaqirit, polumbarët kanë mbërritur në lumin e Bistricës dhe kanë nisur kërkimet për trupin e 55 vjeçarit.
Grupi prej 4 polumbarësh prej disa orësh kërkimesh nuk ka gjetur asnjë shenjë të Arben Shaqirit përgjatë lumit të Bistricës.
Kërkimet do te vazhdojnë edhe në dy ditët në vazhdim, ndërsa burime kofidenciale bëjnë me dije se polumbarët janë lajmëruar vetëm sot në orën 08:00.
Për shkak të mos përgjigjes së policisë gjatë dy ditëve për nisjen e kërkimeve të trupit, familjarë dhe banorë të komunitetit romë kanë rrezikuar paraditen e sotme duke bërë vetë kërkime në lumin Bistricë.
Shaqiri është mbytur në lumë dy ditë më parë në vendin e quajtur kanali i Çukës .Djali 15-vjeçar i Arben Shaqiri ka qenë dëshmitar i ngjarjes së rëndë, ndërsa pavarësisht përpjekjeve nuk ka mundur të bëjë asgjë për të shpëtuar të atin.
Para disa orësh qarkulloi në media se polumbarët dhe policia akoma nuk kishin filluar kërkimet për trupin e pajetë të viktimës dhe se anëtarët e komunitet rom kishin paralajmëruar se do dilninn ta kërkonin vetë.
Discussion about this post