Ka pasur disa projekte në Tiranë që janë nisur me bujë të madhe, janë investuar shuma të mëdha parash dhe si përfundim kanë rezultuar jo efektive.
Duke kujtuar këtu faktin e ndarjes së plehrave në koshat e vendosura në të gjithë qytetin, përdorimi i çantave të letrave në vend të qeseve, vendosja e fotove në abonetë e sistemit urban apo të tjera si këto.
Mirëpo së fundi kreu i Bashkisë së Tiranës Erion Veliaj ka ndërmarrë një nismë të re, transporti publik që bëhet përmes mjeteve elektrike.
“Po investojmë tek rrugët, por edhe tek mjetet e reja të transportit. Sapo kemi konfirmuar që këtë vjeshtë Tirana të jetë qyteti ku do të testojmë autobusët elektrikë për herë të parë, për të parë se si përgjigjen me parametrat e rrugëve të Tiranës, të motit, të temperaturës dhe të distancave të linjave tona.
Me të kaluar me sukses periudhën e testimit do të bëjmë porositë për t’u siguruar që Tirana është avangardë në Evropën Juglindore, kur vjen puna edhe tek cilësia e transportit, por sigurisht edhe tek infrastruktura që na mundëson transporti”, njoftonte sot Veliaj.
Nuk dihet nëse ky plan i ri i Veliajt do të hyjë ndonjëherë në zbatim, apo sesa do të jenë kostot e tij, po kur kujton urbanët e mbipopulluar të kryeqyetit natyrshëm të lind pyetja: a mos po ecën Veliaj shumë para me projektet. Idetë sigurisht që mund të ekszitojnë po a janë të aplikueshme në shërbim të qytetarëve?!
(E.K/SHUPLAKA)
Discussion about this post